12 vite më parë, Mario as që e dinte kush ishte njëfarë Kim Kardashian-i.
Ai po përpiqej mezi të bëhej i njohur në rrethet hollivudiane si artist makeup-i, kurse Kim Kardashian sapo kishte nisur reality show-n “Keeping Up With the Kardashians”.
Në maj të 2008-ës, ai diçka kishte dëgjuar për të. Ajo hyri në studion ku ai punonte, për t’u bërë gati të fotografohej për kopertinën e revistës „Social Life“.
Që aty, Kim dhe Mario nuk u ndanë kurrë më.
Sot, 11 vite më vonë, Mario është nostalgjik për vitet e para kur grimonte një Kim Kardashian jo edhe kaq të famshme sa sot, por padyshim të destinuar për të qenë ylli i ardhshëm.
Në Instastory, grimieri tashmë personalitet më vete në Hollywood, publikoi një foto të Kim Kardashian-in 10 vite më parë, ku si përherë me makeup-in e Marios, shkëlqente në tapetin e kuq.
Por, ajo që bie në sy se ka ndryshuar tejmase tek Kim-i, është se 10 vite më parë, ajo qeshte në tapetin e kuq!
Kim është e njohur për pozën serioze që merr në daljet e saj publike, madje mund të themi lirisht se, nëse tani këtë pozë ia shikojmë shumë vajzave në Instagram, është pikërisht prej influencës së saj të madhe.
Mario publikoi edhe një tjetër foto të Kim Kardashian gjatë galasë së përvitshme në Muzeun Metropolitan të New York-ut në 2017-ën. Këtu, shihet një Kim me pamjen e saj të përhershme serioze dhe plot vetëbesim, të gruas më të famshme në planet.
Mario Dedivanovic ka qenë pjesë tepër e rëndësishme e krijimit të imazhit të saj publik, të pangatërrueshëm dhe të imituar nga shumë vajza.
Që në 2012-ën, Mario aplikonte tek klientja e tij e preferuar metodën e konturimit të fytyrës, që u bë aq e famshme në vitin 2017.
