Një konflikt për shkak të një prone me prindërit e saj, është sipas Çelnikut arsyeja përse marrëdhënia me të shoqen nuk po funksionon. Më keq akoma: Çelniku iu vu kundra martesës së të bijës në moshë të re, pasi nuk donte që ajo të martohej pa mbaruar shkollën e lartë. Ky konflikt, ndikoi që marrëdhënia e tij me fëmijët të përkeqësohej akoma më shumë derisa Klodiana vendosi të largohej nga shtëpia bashkë me të birin.
Çelniku ishte protagonisti i dytë i mbrëmjes së sotme të “Dua të të bëj të lumtur”. Pavarësisht gjithçkaje ka ndodhur mes tyre, ai vendosi ta thërriste të shoqen, Klodiana, në këtë program për t’i kërkuar falje dhe një mundësi ribashkimi.
E megjithatë, Klodiana refuzoi ftesën për të qenë e pranishme në studio.
Në mungesë të saj, Çelniku vendosi t’ia shprehte ndjesën, me shpresën se ajo do të ishte duke e parë:
“Klodiana, të kërkoj të më falësh për gjithçka. Gabimet janë bërë si nga ana ime, ashtu edhe nga ana jote. Por më tepër nga ana ime. Problemet ekonomike që kemi patur më kanë detyruar të jem më i rreptë se ç’duhet, prandaj më fal!”
