Ata duken më shumë të dashuruar me kalimin e kohës dhe pavarësisht kritikave të shumta që kanë hasur në rrugëtimin e tyre, lidhja e Arbenitës me Feron po bëhet më serioze.
Themi këtë pasi reperi ka filluar të ndjekë në Instagram motrën dhe mamanë e Arbenitës, një hap ky drejt zyrtarizimit të lidhjes së tyre.
E pra, dhëndri duket se ka kërkuar bekimin e familjes së modeles dhe nuk çuditemi nëse në pak kohë ata të shkojnë drejt fejesës.
Nuk e dimë nëse e ka takuar Feron, por motra e Arbenitës, Almedina e ndjek reperin në Instagram.
I pyetur për martesën pak kohë më parë, Fero tha se edhe mund të ndodhë, kështu që pse jo!
Ndoshta ky është edhe një hap që çifti të bashkohet dhe të mos jetojnë më të ndarë.
Ajo që na mbetet tani është të presim një postim familjar të dyshes dhe gjithçka do të duket me kohën.
