Genta Ismajli bëhet mama vitin tjetër dhe këtë, e tha me gojën e saj.
E ftuar tek “Ftesë në 5” këngëtarja dha pikërisht këtë përgjigje kur Bieta Sulo e pyeti se kur ka ndërmend të bëhet mama, ndjekur nga ca të qeshura pa lënë të kuptohej nëse e kishte me shaka apo thjesht, shakaja është gjysma e së vërtetës.
Ajo tregoi se momentalisht jeton me mamanë e saj dhe nuk e fshehu se ka dashur gjithmonë të ketë shumë fëmijë, ndonëse kjo dëshirë nuk iu realizua. Genta gjithashtu foli në lidhje me se çfarë duhet të ketë një burrë që ta bëjë për vete:
“Burri im duhet t’i kuptojë shakatë e mia dhe të mos jetë xheloz ndaj meje, kjo gjë më pengon shumë.”Por, jo vetëm kaq. Këngëtarja e njohur për fizikun përherë në formë dhe të tonifikuar, ka një kërkesë specifike për njeriun që do t’i marrë zemrën:
“Duhet të ketë trup të mirë”.
Në fakt, këngëtarja ka vite e vite që nuk përflitet për marrëdhënie dashurie, që prej lidhjes me menaxherin e saj Miloti këtu e 12 vite më parë, kur Genta sapo kishte shpërthyer në ekranet shqiptare dhe njihej si këngëtarja seksi e “Dridhem”.
Marrëdhënia mes tyre mori fund në 2009-ën, kur u përfol për një tradhti nga ana e tij, por Genta e mohoi kategorikisht diçka të tillë.
