Noizy nuk e ndjek më Dafina Zeqirin dhe as Dafina nuk e ndjek më Noizy-n në Instagram.
Ditëve të fundit, Noizy ka qenë në qendër të vëmëndjes për një zënkë- për herë të dytë- me (ish?) pjestaren e OTR, Oriola Marashi, pasi u vu re se këta të dy reshtën së ndjekuri njëri- tjetrin në Instagram. E në fakt, nuk është hera e parë që Noizy dhe Oriola Marashi përfliten të mos jenë më miq.
Sidoqoftë, tashmë duket se një tjetër sherr mes tij dhe Dafina Zeqirit, do t’i vërë të dy në qendër të vëmëndjes.
Siç vuri në dukje “IN Tv”, dyshja e këngës “A don Love?”, nuk e ndjekin më njëri-tjetrin në Instagram.
Kujtojmë se 6 muaj më parë, ata vendosën të linin në harresë diss-et e së kaluarës duke sjellë një bashkëpunim, një klip plot skena intime pranë njëri- tjetrit.
Por, vështirë se fansat e reperit dhe këngëtares mund ta harrojnë se në 2012-ën, kur Ledri ishte në lidhje me Dafina Zeqirin, Noizy i bëri diss kolegut të tij reper duke i thënë se “nusen tone, e ka pas gjithë estrada”, çfarë nga shumë u kuptua si një goditje e drejtpërdrejtë për Dafinën.
E ndërsa pajtimin mes tyre Ledri dhe Noizy e celebruan me një klip bashkë, do të ishte bashkëpunimi me Dafinën, “A don Love?”, që do të çudiste përsëri fansat. Megjithatë, duket se marrëdhëniet e mira mes Dafinës dhe Noizy-t aq e patën.
