E keni parasysh momentin kur gjeni një foto të sikletshme të një shoku/shoqeje dhe nuk rezistoni dot pa e publikuar në rrjetet sociale për ta ngacmuar?
Epo kjo duket se ka ndodhur me Rezarta Shkurtën dhe mikun e saj, kantautorin Elgit Doda.
Në arkivat e saj të fotove, Shkurta ka zbuluar një foto të disa viteve më parë, ku Elgiti, dukshëm më i vogël në moshë, shihet përkrah një vajze tërësisht të zhveshur.
“Kur hap arkivat për të rishikuar fotot e vjetra…”- ka shkruar në përshkrimin e fotos në Insta Story Rezarta, e cila me shumë gjasa është dhe autorja e shkrepjes që daton në 2014-ën
Në imazh vajza brune, e cila mësohet se është modelja Elena Dibra, shihet me shpinë nga kamera, ndërkohë që në kurrizin e saj janë pikturuar dy f-të e violinës dhe telat që fillojnë nga qafa e përfundojnë në fundshpinë, për ta bërë foton sa më artistique.
Bukur, por do të donim shumë të kishim parë fytyrën e partneres së Elgitit, moderatores Klea Huta në momentin që ka parë foton…
