Që prej fundit të vitit 2018, “Iconstyle.al” ka ndjekur sherrin e famshëm mes kushërirave Anxhelina Hadërgjonaj dhe Beastrix Ramosaj, që përfundoi me fshirjen e njëra-tjetrës nga Instagrami.
U tha se “molla e sherrit” mes dy vajzave ishte bërë grimieri Ariel, me të cilin Anxhelina jeton në një shtëpi. Duke qenë një personazh i njohur në SHBA, e veçanërisht i lidhur me familjen Kardashian, Beatrix i ka kërkuar Ariel-it ta ndihmojë për t’i hapur mundësi të reja për në Los Angeles.
Por kjo nuk i ka pëlqyer aspak kushërirës së saj, Anxhelinës, e cila me sa duket është bërë xheloze për të ndarë mikun e saj të ngushtë me Beatrix-in.
E ftuar sot në “E Diell”, nëna e Anxhelinës, Albërija nuk e mohoi sherrin mes kushërirave dhe bujën që pason në media.
“Fëmijët e motrës sime i dua shumë. Ndonjëherë bëjnë zënka për gjëra të vogla, pastaj e heqin njëra-tjetrën nga Instagrami, portalet fillojnë të bëjnë lajmet dhe kështu me rradhë”, rrëfeu ajo.
Mirëpo, si po shkojnë aktualisht punët mes familjes Hadërgjonaj dhe asaj Ramosaj? A kanë më inate mes tyre apo jo?
“Përderisa unë këto ditë që jam në Shqipëri po jetoj te shtëpia e motrës sime, a nuk bien poshtë këto që po thoni ju? Shkojmë shumë mirë me njëra–tjetrën, nuk ka asgjë për t`u shqetësuar”, tha duke qeshur Albërija.
