Alfio Rrotani dhe moderatorja e njohur Fatma Methasani që kur e bënë publike lidhjen e tyre janë kthyer ndër çiftet më të dashura të showbizit shqiptar.
Shpeshherë ata publikojnë foto në llogaritë përkatëse në Instagram të cilat marrin komente dhe pëlqime të shumta dhe po ashtu përfliten shumë.
Ditën e sotme Fatma ka qenë e ftuar në “Thumb” prej ku ka treguar si është zënë me Alfion përpara një gazetareje për emisionin e saj “Fun Day”: “Po bënim një intervistë për një revistë. Ishim të dy në kafe dhe gazetarja. I thotë ajo: ‘Ç’mendon për emisionin e Fatmës?’ Alfi kur ndihet komod s’ka filtra fare. ‘Nuk e kam parë asnjëherë’- u përgjigj ai, dhe e tha si një gjë normale. Dhe unë i them: ‘Si mo s’ke parë emisionin tim ti?’ Nuk u bë më intervista se ne u zumë. S’kemi folur dy ditë për këtë punë. Unë isha gati të ikja nga shtëpia!”
Në vijim, moderatorja e njohur u shpreh se partneri i saj është shumë romantik dhe detajist.
“Është edhe i luleve, edhe i ëmbëlsirave, edhe i letrave. Kam një kuti plot me letra”, tha Fatma.
