Drejtori i programacionit të “TV Klan”, Albert Dumani ditën e sotme ka publikuar një foto në llogarinë e tij në Instagram ku shfaqet krah aktorit të famshëm turk, Kivanc Tatlitug.
Ky i fundit adhurohet nga shumë femra, veçanërisht nga ato shqiptare.
Rikujtojmë se atë e kemi parë në shumë seriale turke, ndër to përmendim “Menekshe dhe Halili”, “Dashuri e ndaluar”, “Kurti dhe Sura” etj.
Mirëpo Kivanc nuk është aktori i parë turk që Albert Dumani ka takuar. Për shkak të pozicionit të tij të punës, duke firmosur kontrata për serialet turke që transmetohen në Shqipëri, ai ka kontakt të vazhdueshëm me mjaft aktorë të njohur turq.
