Adoleshenti shqiptar që akuzohet për vrasjen e një studenteje greke, reagon për herë të parë për mediat. Aleksandër Luca akuzohet bashkë me 21-vjeçarin grek, Manolis Koukouras, për vrasjen e Eleni Topaludhi në Rodos.
19-vjeçari shqiptar u pyet nga media greke “Star” lidhur me dëshminë, që dha shoku i tij natën që ndodhi krimi.
Koukouras ishte shprehur se shqiptari ishte fajtori i vetëm në ngjarjen e rëndë. Për këtë dëshmi, Aleksandër Luca tha: “Unë nuk e di dhe mua nuk më intereson se çfarë thotë greku. Unë kam një avokat”.
Ndërkohë që te të dy të pandehurit është realizuar ekspertiza psikiatrike dhe pritet që të dhënat të bëhen publike.
