Ashtu si të gjitha ne edhe Rosie Huntington-Whiteley dëshiron që disa trende të mos rikthehen. Në fakt ajo e ka me një trend në veçanti: Vetullat e holla!
“Jam kurioze të shoh nëse vetullat e holla do të rikthehen në modë. Jam nervoze për këtë. Pas koverit të ‘Vogue’ me Rihanna-n dhe ringjalljen e viteve ’90… nuk do të ishte surprizuese për mua”, ka thënë së fundmi modelja për “whowhatwear”.
Në fakt vetullat e holla ishin një detaj që përcaktuan bukurinë e viteve ’90.
“E gjeta veten duke parë foto të vjetra të supermodeleve mbrëmjen e kaluar dhe isha: ‘Vetullat e holla janë seksi’. Por dëgjon kaq shumë femra që e provuan dhe nuk mund të rrisin më vetullat, pasi ka efekt të gjatë në kohë”, shprehet ajo.
Në fakt sipas artistëve të makijazhit ditët e sotme femrat po fokusohen te forma e tyre natyrale e vetullave, pavarësisht se janë të holla apo të trasha.
Burimi: whowhatwear
