Kourtney Kardashian e cila së fundmi ka lançuar website-in e saj “poosh.com”, me aq sa është raportuar mediatikisht, është aktualisht single.
Mirëpo pas diçkaje që ndodhi virtualisht nuk dimë më çfarë të besojmë.
E mbani mend ish-in e Kourtney i cili quhej Younes Bendjima?
Pikërisht me këtë të fundit duket se ajo është rikthyer përsëri, kjo pasi pamë komentet e tyre në postimin e fundit të 40-vjeçares në Instagram.
“Dukesh mirë minnie mouse!”- i ka komentuar Younes.
“Faleminderit mickey”, ia ka kthyer Kardashian dhe pas kësaj kanë vërshuar komente të tipit: “Rikthehuni me njërit-tjetrin; Ai të do; Shkoni shumë bashkë!”
Realisht s’po kuptojmë çfarë po ndodh. Ndoshta ata të dy janë rilidhur, ndoshta nuk janë rilidhur, por kanë mbetur dy miq të mirë.
Megjithatë koha është treguesi ideal!
Rikujtojmë se Kourtney ka pasur një romancë 2-vjeçare me modelin e njohur në fjalë, me të cilin u nda në gusht të vitit që lamë pas. Ajo ka qenë në një marrëdhënie edhe me Scott Disick nga viti 2006–2015-të, me të cilin ka 3 fëmijë.
