Shpërthim në festivalin më të ndjekur të muzikës, njerëzit në panik

Një shpërthim raportohet se hapi një vatër zjarri në natën e parë të festivalit të muzikës “Coachella”, në Kaliforni. Personat që po festonin mësohet se u përballën me zjarrin, i cili nisi në zonën e dusheve të lëvizshëm.

Disa nga statuset e atyre që ndodheshin atje ishin:

“‘Coachella’ u kthye në një festival zjarri. Dushet sapo shpërthyen!”; “Të gjithë të dalin nga dushet tani!”; “Çfarë po ndodh? Dushet u përfshinë nga flakët!”.

Pamjet e filmuara me telefon tregojnë momentin kur dallohen flakët, që dalin nga një ndërtesë, e cila mendohet se janë dushet.

Sipas dëshmitarëve u dëgjua një shpërthim në orën 02:00, por askush nuk mbeti i lënduar. Festivali “Coachella” mbahet çdo vit, ku performojnë disa nga emrat më të njohur të muzikës dhe mirëpret rreth 250 mijë njerëz.

Burimi: Daily Mail