Kim Kardashian së fundmi ka realizuar një intervistë mjaft të veçantë me revistën prestigjioze “Vogue”.
Gjithçka është filmuar në ambientet e shtëpisë së saj dhe në fillim të intervistës, siç mund ta shihni këtu, në një dhomë gjigande dhe me një arredim fantastik ndodhet e gjithë familja: Kanye West, Kim Kardashian, vajza 5-vjeçare North, 3-vjeçari Saint dhe vogëlushja 14-muajshe Chicago.
Në total, Kim u përgjigjet plot 73 pyetjeve, mirëpo ajo çka na tërhoqi vëmendjen ndër të tjera është fakti që ajo harxhon vetëm 30 minuta në ditë në llogarinë e saj në Instagram.
“Sa kohë harxhon gjatë ditës në Instagram?”, u pyet 38-vjeçarja, ndërkohë përgjigjen e saj e mësuat tashmë.
Për hir të së vërtetës përgjigja është tërësisht e pabesueshme, kjo duke marrë parasysh postimet e njëpasnjëshme që ajo hedh në Insta Story apo në feed. Ose thënë më troç, Kim Kardashian është aktive gjithë kohën në rrjetin social në fjalë dhe përgjigja e saj “30 minuta” tingëllon si një gënjeshtër e vogël.
Do thoni ju, ajo ka një staf të tërë që menaxhon Instagram-in e saj, por megjithatë, sërish na duket e pabesueshme!
Në vijim është pyetur: “Si e vendos çfarë të postosh dhe çfarë jo?”
“Unë thjesht bëj çfarëdolloj gjëje që ndjej”, është përgjigjur Kim.
Po ashtu Kardashian nuk ka hezituar të tregojë publikisht gjënë më të çmendur që një fans ka bërë për të, duke deklaruar se një person që e adhuronte dhe ishte fans i saj në kuptimin e plotë të fjalës i kishte kërkuar që ta adoptonte.
Vërtet një veprim i çmendur, apo jo?
