Një ngjarje tronditëse u shënua pasditen e djeshme në rrugën Shkodër-Bushat, ku si pasojë e një aksidenti të rëndë humbën jetën dy gra dhe u plagosën pesë të tjerë.
Pas hetimeve në vendin e ngjarjes është mësuar edhe shkaku i aksidentit të rëndë.
Nga hetimet e kryera, ka rezultuar se 28-vjeçari Jak Përjaku, që po udhëtonte me automjetin tip “Mitsubishi”, po lëvizte me shpejtësi tej normave të lejuara dhe goditi në pjesën e prapme automjetin tip “Audi”, ku dhe po udhëtonin dy viktimat.
Sipas raportimeve viktimat janë Luljeta Zefi, 39 vjeçe dhe Diana Mjeshtri, 45 vjeçe. Ndërkohë të plagosur mbetën Lutfi Kabaçi, 55 vjeç, Emanuel Përjaku, 23 vjeç, Jak Përjaku, 28 vjeç, Beta Mata, 32 vjeç, Pjetër Zefi, 66 vjeç, të cilët ndodhen jashtë rrezikut për jetën.
Efektivët e policisë arrestuan sot shkaktarin e aksidentit, 28-vjeçarin Përjaku.
