Operatori i Shpërndarjes së Energjisë Elektrike ka njoftuar qytetarët e Tiranës së do të ketë ndërprerje të energjisë ditën e sotme.
Në një njoftim për abonentët e Tiranës, OSHEE bën me dije se për shkak të remontit të parashikuar në disa kabina, në datën 11 prill, gjatë intervalit kohor 01:00-06:00, do të mbeten pa energji elektrike këto zona: rruga “4 Dëshmorët”, rruga “Riza Cerova”, rruga “Sul Bega” pjesërisht, rruga “Muharem Gura”, rruga “Bardhyl” pjesërisht.
Gjithashtu njoftohet se nga ora 9:30- 14:30, pa energji mbeten rruga “5 Maji”, ruga “Ferit Xhajko” pjesërisht, rruga “Ndre Mjeda” dhe rruga “Kongresi i Lushnjës”.
Ndërsa nga ora 09:00-15:00, pa energji do të mbeten: rruga “Besim Alla”, zona pranë qendrës “Casa Italia” dhe rruga “Selaudin Bekteshi”.
