Pavarësisht se nuk është më Zonjë e Parë, Michelle Obama është ndër gratë më të dashura për publikun. Ndërsa paraqitja e saj bëri bujë vitin e kaluar me çizmet e gjata Balenciaga, tashmë ajo ka zgjedhur një tjetër trend të momentit: Kostumin.
Ajo ndodhet ne Kopenhagen dhe zgjodhi për eventin organizuar për librin e saj “Becoming”, një kostum rozë të dizajnuar nga marka daneze, “Stine Goya”.
Një markë e cila nuk është shumë e njohur, por shpesh prezanton veshje që bëjnë bujë, të tillë si ky kostum.
Pantallonat dhe xhaketa ngjyrë rozë pastel janë të zbukuruara me grumbuj kristale të artë. Mësohet se kostumi që Michelle mbante veshur ishte dizajnuar posaçërisht për të, por një version në ngjyrë bojëqielli kushton 1600 euro.
Gjithsesi mund të themi se ish-Zonja e Parë e çoi trendin e kostumit në një tjetër nivel nga ai i zakonshmi. Ky kostum cilësohet si ndër veshjet më të përshtatshme për t’u paraqitur në dasmat e 2019-s.
Burimi: Vogue
