Sot më 9 prill, Elia Zaharia ka kujtuar dy ngjarje të rëndësishme historike të Shqipërisë.
Aktorja e njohur shqiptare shprehet në një postim në Instagram se 9 prilli është një datë e çuditshme, pasi si sot 58 vjet më parë u nda nga jeta Mbreti Zog, ndërsa po si sot 80 vite më parë ai pa për herë të fundit vendin e tij.
“9 Prilli është datë e çuditshme! 9 prill 1939 Mbreti Zog pa për herë të fundit vendin e tij…9 Prill 1961 ai ndërroi jetë…Duket sikur kemi të bëjmë me dy vdekje të ndryshme të të njëjtit person, në të njëjtën datë!”, shkruan Elia e cila është pjesë e familjes mbretërore që nga viti 2016 pas martesës me Princin Leka.
Në fotot e publikuara shfaqet Mbretëresha Geraldinë, teksa mban zi në homazhet që po mbahen për humbjen e bashkëshortit. Gjithashtu ka dhe foto të arkivolit të ndjerë të Zogut, si dhe disa foto të Princit Leka Zogu.
