Këngëtarja e njohur me origjinë shqiptare, Rita Ora, mbërriti dje në Kosovë, ku do të qëndrojë për një vizitë 3-ditore.
Qëllimi i saj nuk është ndonjë koncert i mundshëm, por në kuadër të një misioni bamirësie, ndërsa është planifikuar të takohet me viktimat e dhunës seksuale.
Ditën e sotme këngëtarja e famshme reagoi për herë të parë përmes një postimi në Insta Story, ku shkroi:
“Jam shumë e lumtur që po punoj edhe më afër me UNICEF-in, në ditët e ardhshme do të shihni më shumë nga puna jetësore që ata bëjnë dhe ndikimin që kanë tek fëmijët”.
Në foto dallohet një revistë me pamjen e dy fëmijëve ku shkruhet UNICEF dhe emri i Rita Orës, ndërsa ne presim më tej detaje nga takimet e saj në Kosovë.
Ajo po bashkëpunon me firmën e njohur ndërkombëtare, “Escada”, për të cilët ka dizajnuar disa çanta, ku 15 euro nga shitja e çdo çante do të ndahet pikërisht për organizatën “Women for Women International”.
https://www.instagram.com/p/BvhxkEqH5s1/
