Afërsisht 54 vite pasi Marilyn Monroe ndërroi jetë, fansat ende grinden për të marrë një pjesë nga ikona e ekranit.
Në nëntor, një koleksion me sendet personale të yllit, duke përfshirë shënimet me dorë, fatura, veshje, aksesorë dhe bizhuteri, do të dalin në ankand te “Julien’s Auctions”.
Më shumë se 500 sende e saj do të dalin në ankandin që do të zhvillohet në Los Angeles dhe në total pritet të shiten nga 2 milionë në 4 milionë dollarë.
Gjërat i ishin lënë mentorit të saj të aktrimit, Lee Strasberg, i cili vdiq në vitin 1982, 20 vite pas Marilyn
“Julien’s Auctions” tha se gjërat nuk kishin dalë më herët në ankand dhe do të nxirren për shitje nga pasuria e Strasberg. Aktori, regjisori dhe mësuesi mësoi gjithashtu yje si James Dean, Al Pacino, JackNicholson dhe Jane Fonda.
“Marilyn ishte një figurë komplekse dhe sharmante në jetën e saj, duke i lënë gjeneratat e admiruesve të spekulojnë. Gjë që ka rezultuar në një kaleidoskop prizmatik të ndërtuar nga të dyja fakti dhe fantazia”, thotë në një deklaratë gruaja e Strasberg, Anna Strasberg.
Shumica e pjesëve u ruajtën pas vdekjes së Monroe nga një overdozë drogë në vitin 1962, në moshën 36-vjeçare.
Koleksioni fillimisht do të kalojë në një turne në Europë, Azi, Amerikën e Jugut dhe në SHBA para se të shkojë për t’u shitur më 19 dhe 20 nëntor.
Burimi: Daily Mail
