I njohur nga të gjithë si “Beni ecën vetë”, aktori Herion Mustafaraj ka ndarë sot me publikun e “E Diell”, disa detaje të reja nga jeta e tij në SHBA.
Herioni u kthye pas në kohë dhe solli ndërmend vitet e para kur ai mbërriti në SHBA në vitin 1992. Ai foli edhe për punën e tij të parë në Amerikë, dhe ndoshta do t’ju duket e çuditshme kur ta mësoni:
“Puna e parë që kam bërë në Boston ishte larja e pjatave, madje fitova dhe një çmim si pjatalarësi më i mirë sepse isha i shpejtë”, rrëfeu ai.
Falë punës dhe përpjekjeve sot Herioni është bërë pjesë e disa filmave hollivudianë ndër vite.
Aktori foli edhe për marrëdhëniet me vajzën e tij, me të cilën tha se nuk sillet fare si një prind tradicional.
“I kam thënë Deas qe duhet të gjesh veten tënde dhe të jesh e lirë”, shpjegoi Mustafaraj.
