Anxhela Peristeri është një këngëtare, e cila është dalluar për karakterin e saj të vërtetë dhe të fortë. Por dikush e bëri sot që të përlotej gjatë emisionit “Rudina”!
Moderatorja Rudina Magjistari kishte menduar një surprizë të këndshme për Peristerin, një përshëndetje nga këngëtarja e njohur greke, Maria Kiu.
“Kjo vajzë gjithë këto që tregon i dalin nga brendësia e zemrës, sepse brenda saj ajo fsheh diamante. Të dua shumë, më mungon shumë. Mezi po pres të vish në verë dhe të shkojmë bashkë në plazh. Të premtoj që mundësia e parë që më jepet do të vij aty te ti”, thotë ndër të tjera në video Maria.
Ky mesazh duket se e ka emocionuar Anxhela Peristerin, e cila nuk i mbajti dot lotët, ndërsa më pas kujtoi kohën kur këndonin bashkë nëpër koncerte.
/Iconstyle.al
