Djali i Inva Mulës dhe Pirro Çakos po ndjek hapat e prindërve të tij, por duke eksperimentuar me një rrymë tjetër në muzikë, atë elektronike.
Anthony zbuloi se do të publikojë sot këngën e tij të parë me videoklip të quajtur “Alive”.
I pyetur nga ndjekësit lidhur me detajet e këngës, ai ka treguar se është frymëzuar për titullin e saj nisur nga një eksperiencë personale.
“Ka një histori për të qeshur rreth këtij emri. Nuk kisha asnjë titull për këngën dhe unë me përfaqësuesit e shtëpisë diskografike udhëtuam jashtë Parisit për të regjistruar videon. Kur u kthyem nga udhëtimi, avioni për pak u përplas, kështu që vendosëm ta quanim këngën ‘Alive’ (gjallë)”, shkroi ai.
Kujtojmë se Anthony Çako ishte i ftuar special në “Festivalin e RTSH”-ës, që u mbajt në dhjetor të 2018-s, ku risolli disa këngë të gjyshit të tij sipas stilit të tij modern.
