Një fëmijë dymuajsh në Staffordshire, është vrarë nga prindërit, pasi është mbytur dhe është gjetur me një shenjë kafshimi në krahun e tij.
Luke Morgan, 26 vjeç, dhe Emma Cole, 22 vjeç, akuzohen se kanë mbytur djalin e tyre Tyler Morgan duke i shkaktuar tre brinjë të thyera pas një debati në banesën e tyre në prill të vitit 2014.
Fqinjët thanë se “Luke Morgan ishte zemëruar sepse donte të bënte seks me zonjën Cole, por nuk mund të bënte gjë sepse fëmija i tij ishte zgjuar”.
Sipas provave që zotëron prokuroria, vdekja e foshnjës ishte shkaktuar nga mbytja e qëllimshme pasi gjoksi i vogëlushit ishte i shtypur.
Disa fqinj kishin dëgjuar një ulërimë të madhe dhe shumë zhurmë. Luka Morgan dhe Emma Cole po debatonin në orët e hershme të mëngjesit, në një kohë kur të dy ishin nën efektin e alkoolit.
Nëna e foshnjës kishte thirrur ambulancën pasi i vogli i saj kishte ndërruar jetë. Çështja vijon në gjykatë, ku ende po paraqiten prova për fajësinë e dy prindërve.
