Aktori i humorit, Olsi Bylyku, është shumë i rezervuar për të ndarë me ndjekësit detaje nga jeta e tij personale, madje është shprehur shpesh në skeçe se është beqar.
Por ai është fotografuar për herë të parë krah të dashurës, gjatë premierës së filmit “2 gisht mjaltë”.
Fotot e publikuara nga “Panorama Plus” tregojnë aktorin e humorit të kapur për dore me një vajzë brune, e cila quhet Egli dhe ka studiuar për Kanto. Këto foto qarkulluan sot kudo në mediat online dhe duket se kjo nuk është pritur mirë nga dyshja.
Aktori i humorit komentoi për “RevistaWho”: “Për momentin mjaftojnë fotot që kanë qarkulluar, pasi nuk kam dëshirë që të jap informacion më të detajuar, për aq kohë sa vajza në fjalë nuk do që të prononcohet”.
Olsi dhe Egli mësohet se kanë disa muaj që janë në një lidhje.
