Këngëtari i mirënjohur Stine, ditën e sotme ishte i ftuar në emisionin “Pasditja Ime”, prej ku rrëfeu se së shpejti do të publikojë albumin e tij më të ri që në total përfshin 20 këngë.
Gjatë intervistës me gazetarin Eraldo Rexho, Stine tregoi se një prej këngëve titullohet “S’ka më ti dhe unë”, ndërkohë lidhur me këtë, ai u shpreh: “Këtu flas për atë ndarjen e shekullit!”
“Revistawho.com” raporton se në këngë trajtohet historia e një çifti që ka ndërprerë marrëdhënien në mënyrë të befasishme dhe dy personazhet përveç një kënge, nuk i lidh asgjë tjetër.
Mos vallë këngëtari i njohur ia dedikon ish-partneres së tij Graciela me të cilën ka edhe një vajzë të quajtur Estia?
Rikujtojmë se në fund të vitit që lamë pas, Stine përmes një postimi në Instagram njoftoi se i kishte dhënë fund marrëdhënies së tij me Gracielën.
