Moderatori i njohur dhe shumë i dashur për publikun, Turjan Hysko feston sot ditëlindjen dhe urimi që ka marrë nga kolegu dhe miku i tij Julian Deda, realisht që nuk mund të ishte më epik!
Producenti i “Duplex”, mbush plot 34 vjeç dhe përmes urimit që i bëri Juliani mësuam të gjithë një nga veset e këqija të Turjanit.
Ky i fundit i harron gjërat vend e pa vend, ndërkohë Juliani na e ka rrëfyer këtë nëpërmjet një postimi në llogarinë e tij në Instagram, i cili ka shkaktuar mjaft të qeshura.
Teksa ka publikuar një foto ku shfaqet me Turjanin, aktori i njohur i humorit krah saj shkruan: “Ky djali ka një ves të keq, i harron çelësat e makinës gjithkund. Nëse gjeni një portofol në rrugë, është i tij. Ka rrezik as sot nuk i shkon mendja se ka ditëlindjen. T’ja kujtojmë pak? Turjan, u bëfsh 100 vjeç. Energjia për të bërë punë të mira kurrë mos t’u pakësoftë.
P.s. Kam një lajm të mirë për ty vlla. Së shpejti do hyjë në modë teletransportimi dhe kleringu universal, që ti të mos kesh nevojë as për çelësa makine, as për portofol.”
Vërtet për të qeshur, apo jo?
