Ajo mungoi në ditën e saj më të rëndësishme për karrierën profesionale. Ambra Borova, e cila do të betohej sot si deputetja më re, nuk u paraqit në Kuvend në seancën plenare të kësaj të enjteje.
Kreu i Kuvendit, Gramoz Ruçi, e justifikoi duke u shprehur se kishte “arsyet e saj objektive më madhore”.
Por burime për “Report TV” bëjnë me dije se, Borova nuk u paraqit në Kuvend pasi solli në jetë fëmijën e saj të parë. Mësohet se kandidatja e LSI-së është bërë nënë më 28 mars, një ditë pasi KQZ-ja i dha mandatin e deputetes.
Deputetja e re e LSI-së, Ambra Borova pritet të marrë vendin e lënë në Kuvend nga Agron Çela, në Shkodër.
Borova, dentiste me profesion, është vajza e muzikantit të njohur, Luan Borova.
