Traileri i sezonit të ri të serialit “Keeping Up With the Kardashians” ka mërzitur së tepërmi fansat e tij pasi gjithçka bazohet në traumën që Khloe Kardashian kaloi pas tradhtisë së partnerit Tristan Thompson me shoqen e Kylie Jenner, Jordyn Woods.
Përdoruesit e rrjetit social Twitter kanë shpërthyer në komente për faktin që skandali i tradhtisë po përdoret për publicitet.
“Drama Jordyn-Kylie-Tristan ndodhi javën e kaluar dhe ju e përfshitë atë në sezon që tani? Kris Jenner nuk fle #KUWTK”, shkroi një komentues.
“Asgjë nuk është private, të gjithëve ju duket sikur kanë të drejtë të flasin për ty”,- e thënë kjo nga njerëzit që nuk bëjnë dot dy hapa pa i filmuar. Anulojeni show-n, boll e transmetuat biznesin tuaj në TMZ dhe do të keni të gjithë privatësinë që dëshironi”, shkruan një tjetër.
Vëmendjen ka tërhequr reagimi i Khloe Kardashian ndaj tradhtisë dhe momenti kur ajo bërtet “Gënjeshtare” teksa sheh reagimet e Jordyn për skandalin e tradhtisë.
Pra gjatë gjithë kësaj drame familjare, Kris Jenner ka dhënë urdhër që kamerat të mbaheshin të ndezura dhe gjithçka për të dhënë show.
Epo kush mund ta besojë një gjë të tillë!
