Niveli i Fierzës është bërë vërtet shqetësues kohët e fundit, si pasojë e mungesës së reshjeve të shiut dhe rënies së prurjeve të lumenjve.
“Ora News” raporton se Drini i Bardhë dhe Drini i Zi nuk sjellin më shumë se 170 metër kub ujë në sekondë, ndërsa shkrirja e reshjeve të dëborës nuk pati efektet e pritshme.
Në krahasim me të njejtën periudhë të vitit të kaluar, liqeni ka rreth 40 metra ujë më pak se kuota maksimale e një viti më parë.
Eksportimi i energjisë në vendet e tjera ka qenë një tregues i rritjes ekonomike por këtë vit, OSHEE po blen energji për të furnizuar konsumatorët.
Vetëm në janar u shpenzuan 30 milionë euro për të përballuar konsumin.
