Mbrëmjen e kaluar, Jetmiri ka rrëfyer historinë e tij mjaft delikate që lidhej me depresionin.
Në emisionin “Dua të të bëj të lumtur” ai rrëfeu se prej 15-vitesh kishte vuajtur nga depresioni dhe tashmë është penduar për çdo veprim që ka ndërmarrë gjatë periudhës kur ai nuk ka qenë mirë nga ana shëndetësore.
Jetmiri ishte përballur me simptomat e para të sëmundjes gjatë kohës kur ishte në gjimnaz.
Abuzimi me alkoolin, mbyllja në vetvete, ushtrimi i dhunës fizike ndaj prindërve…këto ishin kryefjala e gjendjes së mëparshme të tij.
Ai rrëfeu se gjithmonë pas veprimeve që bënte, kishte një pendim shumë të thellë, pavarësisht se ishte tepër vonë.
Për t’i kërkuar falje publikisht, Jetmiri kishte ftuar nënën e tij në emision, prej ku i tha: “Të kam lodhur shumë dhe të kam bërë të vuash. Të kërkoj falje për çdo gjë dhe të falënderoj sepse jam ky që jam sot falë teje!” /revistawho.com
