Dashuria mund të zgjasë përgjithmonë! Një histori që e dëshmon këtë parashtrim më së miri është historia e Hurmës dhe Fadilit që u bë publike mbrëmjen e kaluar në emisionin “Dua të të bëj të lumtur.”
Dyshja ishte martuar para 60 vitesh dhe prej asaj dite e deri më sot ata të dy gëzojnë një respekt dhe dashuri të madhe për njëri-tjetrin.
Fadili është nga ata meshkuj që e trajton bashkëshorten e tij si një mbretëreshë të vërtetë, kujdeset për të gjatë gjithë kohës, e dashuron çdo ditë e më shumë, dhe siç rrëfeu Hurma, nuk ka pasur asnjëherë zënka dhe grindje mes tyre.
Për ta surprizuar dhe falënderuar bashkëshortin e saj, Hurma e ka ftuar që të marrë pjesë në emisionin në fjalë.
“Kemi rritur së bashku 7 fëmijë dhe të falënderoj që më ke qëndruar pranë dhe më ke bërë të lumtur. Sot të kam ftuar që të të festoj 80-vjetorin e lindjes, që ta kesh kujtim nga unë dhe nga fëmijët”, pohoi ajo.
Çifti u bë fitues i një udhëtimi në qytetin e Stambollit të cilin ata e pëlqenin tej mase. /revistawho.com
