Dizajnuesi i njohur Valdrin Sahiti ishte mbrëmjen e sotme i ftuar në emisionin “Xing me Ermalin” prej ku foli ndër të tjera për arritjet e tij në karrierë dhe për eksperiencën si prind i ri.
Po ashtu rrëfeu edhe detaje nga ceremonia e dasmës që bëri rreth dy vite më parë me Edita Ramadanin.
Rikujtojmë se gjatë asaj periudhe u përfol shumë për dasmën e dizajnuesit me vetëm 8 persona, ndërkohë mbrëmjen e sotme ka sqaruar arsyen se përse e organizoi dasmën në atë mënyrë.
“Isha në një moment të jetës ku sapo kuptova që po vjen Bella në jetë dhe doja të gëzoja gjithçka me Editën dhe me një rreth shumë të ngushtë. Thashë OK, nuk po e kurorëzoj këtë lidhje 10-vjeçare thjesht pa asgjë, por po bëjmë diçka shumë simbolike, po shkojmë në Las Vegas, ku isha me vëllezërit dhe shokun e ngushtë. U kënaqëm shumë. 2 javë bëmë pushime në Los Angeles, Las Vegas, New York”, pohoi Valdrini. /iconstyle.al
