Themeluesja e fondacionit “Down Syndrome Albania”, Emanuela Pepkola Zaimi i është kundërvënë Xhensila Myrtezajt pas deklaratës së kësaj të fundit për të bijën Ajka.
Të premten e kaluar, këngëtarja nuk u përmbajt dot ndaj një komentuesi që shprehej se arsyeja përse Xhensila nuk e bën publike të bijën, është sepse vuan nga sindroma Down.
Ky koment bëri që Xhensila të quante “njeri psiqik dhe të ndyrë” komentuesin dhe të shprehej se vajza e saj nuk ka asnjë mangësi.
Por deklarata e këngëtares ka prekur ata prindër që kanë fëmijët me sindromën Down dhe kryetaren e fondacionit, e cila është revoltuar ndaj Xhensilës dhe i kujton kohën kur ajo bënte bamirësi ndaj këtyre fëmijëve me aftësi të veçanta.
“Heu bre mi Xhensilë! Të mendosh që dhe vijnë e këndojnë për “t’i dhënë zë” kauzës tonë! (Yes yes faji im që çoj ftesa lart e poshtë ke VIP-sat)
Komentuesi ka shpifur ndërsa …Xhensilës i ka ik truri vetëm nga mendimi që mund ta kishte gocën “e mangët”… dhe vazhdon me sharje diagnozash për t’i vënë kapak. Shpifjen e dimë çfarë është…po këtij reagimit të Xhensilës si t’ja vëmë emrin?
..Tamam ju të mediave, pse dreqin nuk bëni si ju kërkon Xhensila? ?…Na ngrini nervat në pritje të ditës së Verës”.
Emanuela Pepkola Zaimi kujton kohën kur Xhensila i dhuroi një vajzë me sindromën Down varësen e saj me kryq, ndërsa komentuesit shkruajnë se veprime të tilla bëhen vetëm para kamerave:
“Po pati kamera, jemi të mirët e botës dhe i duam të gjithë
“Jo jo…gjithë dashni ka qenë…madje i dhuroi kryqin e saj një vajze me SD. Nuk është aty problemi… Nuk ka faj…aq di aq thotë”.
