Ajo ka pasur raporte miqësore me shumicën e ish-partnerëve.
Vetëm pak ditë pas takimit me ish-të dashurin Big Sean, Ariana Grande është fotografuar me një tjetër ish, Graham Phillips.
Ariana dhe Graham ishin të lidhur për tre vjet deri në vitin 2011. Ata dukej se kishin shumë për të folur, pasi shkuan në restorantin italian Carbone në Nju Jork, të shtunën në mbrëmje.
Ariana ishte bërë shumë seksi me një palë çizme të gjata mbi gju, në ngjyrë të bardhë.
Dyshja nisi të dilte në vitin 2008 pasi luajtën bashkë në muzikalin 13 në Broadway, dhe qëndruan miq kur u ndanë në vitin 2011.
Në vitin 2016 ata u takuan në një darkë në LA, bashkë me shokët e tyre.
Graham, 25 vjeç, lindi në Laguna Beach të Kalifornisë dhe ka luajtur në serialin Riverdale, The Good Wife dhe Blockers.
Pavarësisht asaj që duket të jetë një darkë intime mes dy ish-të dashurve, një burim tha pë E! të hënën, se këngëtarja e hitit “7 Rings” është ende beqare.
“Ajo është takuar me disa nga ish-ët e saj, por nuk po del me asnjë prej tyre. Ajo thjesht është në kontakt me njerëz që i ka përzemër”.
Burimi shtoi se Ariana është përqendruar në përgatitjet për turneun e saj Sweetener që fillon më 18 mars.
