Dy aktore të famshme të Hollivudit janë implikuar në një skandal masiv rryshfeti.
Ylli i “Full House”, Lori Loughlin dhe e nominuara për Oscar, Felicity Huffman, janë dy nga 50 prindërit e akuzuar për pjesmarrje në një komplot për t’i futur fëmijët e tyre në shkollat më të njohura si: Georgetown, Stanford, UCLA, Universitetin e San Diego, USC, Universitetin e Teksasit, Wake Forest dhe Yale.
Skema u zbulua nga FBI dhe prokurorët federalë në Boston, sipas të cilëve prindërit duke paguar ryshfet deri në 6 milionë dollarë kanë mundur t’i futin fëmijët e tyre në këto shkolla elitare.
Në shumë raste, fëmijët nuk kishin qenë në dijeni se prindërit e tyre kishin paguar këto ryshfete sipas dokumenteve federale.
Huffman ka dy vajza me burrin aktor William H. Macy përfshirë Sofia-n, e cila është 18 vjeçe dhe Georgia, 16 vjeçe.
Aktorja e njohur për rolin e saj në filmin “Shtëpiake të dëshpëruara”, ka paguar një kontribut bamirësie prej 15,000 dollarësh për të marrë pjesë në skemën e mashtrimit të provimit të hyrjes në kolegj në emër të vajzës së saj më të madhe, thuhet në dosje.
Loughlin dhe bashkëshorti i saj, Mossimo Giannulli gjithashtu kanë dy vajza: Olivia, 19 vjeçe dhe Isabella, 20 vjeçe.
Ata paguan ryshfet në shumën e 500,000 dollarëve në këmbim që dy vajzat e tyre të bëheshin pjesë e USC, sipas dokumenteve.
