Xhensila Myrtezaj ka zbuluar për ndjekësit e saj në Instagram, disa detaje të reja për projektin e fundit që do të publikohet së shpejti.
Këngëtarja ka ndarë një foto me kantautorin Pirro Çako, me të cilin po bashkëpunon për projektin e fundit, që po xhirohet në Venecia të Italisë.
Ajo ka zbuluar titullin e këngës së re që është “Sekreti im”. Xhensila dhe Pirro duken në formë fantastike dhe mjaft të buzëqeshur në foton që besojmë se është shkëputur nga xhirimet.
Pavarësisht se iu rikthye koncerteve vetëm 3 muaj pas lindjes, ky është projekti i parë muzikor i Xhensila Myrtezajt.
Projekti po xhirohet jashtë trojeve shqiptare, ndërsa dyshohet se do të jetë një këngë më shumë klasike, sesa moderne.
