Balerina Olta Ahmetaj dhe këngëtari i njohur Fabian Basha, ishin pasditen e sotme të ftuar në emisionin “Rudina”, ku ndanë për herë të parë me publikun një histori të mbushur plot me ankth.
Para 5 vitesh e gjysmë Olta dhe Fabi u bënë prindër të dy binjakëve të quajtur Liam dhe Tristian dhe ditën e tyre të lindjes dyshja nuk do e harrojë asnjëherë.
Ata rrëfyen për herë të parë sikletin disaminutësh që kaluan pasi erdhi në jetë një nga binjakët. Olta kishte zgjedhur të kryente lindje natyrale.
Liam dhe Tristian janë binjakë nga vezë të ndryshme me të njëjtën placentë.
Siç dyshja pohoi, pasi erdhi në jetë Liam, për disa minuta, Tristian nuk furnizohej me oksigjen, për shkak të çarjes së placentës. Kjo bëri që mjekët të mobilizoheshin, por edhe Olta të rimerrte fuqitë.
Ndërkohë Fabi i kishte dhënë Oltës kurajo duke i thënë: “Zoti na i ka dhënë bashkë dhe do të na i lërë bashkë.”
Ndër të tjera këngëtari tha: “Në fillim lindi Liami, ndërsa Tristiani nuk kishte më oksigjen, për shkak të çarjes së placentës. Kaluam disa minuta, rreth 5 minuta tronditëse. Ishte meritë e doktorit dhe e Oltës!”
Nga ana tjetër, Olta theksoi se ishte edhe meritë e Fabit që vazhdimisht i jepte zemër.
