Këngëtarja Dafina Zeqiri herë pas here na surprizon me ndryshimet në look-un e saj.
Pasi para pak ditësh ra pre e trendit të balukeve, së fundmi ylli i muzikës është kthyer nga brune, në bionde.
Pamjen e re e ka zbuluar vetë Dafina për ndjekësit përmes një postimi në llogarinë e saj në Instagram dhe le të theksojmë se duket mjaft bukur!
Këngëtarja ka publikuar një foto në të cilën shfaqet me ngjyrë të re flokësh dhe njëherazi u jep një mesazh personave që e ndjekin, që të japin kontributin e tyre ndaj natyrës.
Dafina, siç duket edhe në foton që ka bërë publike, ka mbjellë një pishë në Parkun e Divjakës dhe shkruan këto fjalë: “Nganjëherë e harrojmë rëndësinë e natyrës dhe gjërave që na rrethojnë, e që pak e nga pak po i shkatërrojmë. Sado i vogël të jetë kontributi jonë ndaj natyrës, është më mirë se hiç! Unë e mbolla këtë pishë në Parkun e Divjakës, kontribo edhe ti në mënyrën tënde në të mirë të ambientit.”
https://www.instagram.com/p/BuWPhq2BQvh/
Një mesazh tepër domethënës ky dhe pse jo… le të kontribuojmë të gjithë për natyrën tonë!
