Ato e nisën thuajse njëkohësisht karrierën në muzikë dhe që në fillim kanë treguar se janë kundërshtare. Ndaj besohet se nuk ka qenë e lehtë për reperen Rina Balaj, që të “ngatërrohet” me Tayna-n.
Më 17 shkurt për Pavarësinë e Kosovës, Rina ishte një prej këngëtarëve që u bë pjesë e koncertit të organizuar në Prishtinë.
Por gjatë kohës që ajo performonte, audienca brohoriste emrin e rivales së saj, Tayna-s.
E pyetur në emisionin “Sevenbizz” lidhur me këtë ngjarje, Rina tha se mori aq shumë dashuri nga publiku, sa nuk kishte dëgjuar të thirrej emër tjetër.
“Kjo është perspektiva ime. Kjo është çfarë kam dëgjuar unë. A po dëgjon ndonjë emër tjetër? Unë për vete, çfarë kam dëgjuar ka qenë kjo. Çfarë kanë folur nga fundit atje s’e di, s’i kam dëgjuar se kam pasur aq shumë dashuri përpara. Ata që janë pas, kanë për të mbetur gjithmonë pas”, tha reperja.
