Këngëtarja shqiptare Jonida Maliqi do të përfaqësojë këtë vit Shqipërinë në festivalin europian të këngës dhe do të ketë mjaft surpriza.
Pas marrjes së çmimit Jonida ka filluar një nismë në mënyrë që të mbledhë fonde, pasi ato të siguruara nga RTSH-ja nuk mjaftojnë.
Ajo tregoi se do të trokasë në çdo derë institucioni, biznesi dhe jo vetëm, për t’u kërkuar personalisht ndihmë.
Siç është raportuar para disa kohësh festivali do të mbahet në Tel Aviv, ndërkohë së fundmi u mësua se këngëtarja do të këndojë në shqip këngën e saj konkurruese.
Por si do të vishet Jonida?
Këngëtarja tregoi për fëmijët kuriozë “Në kurthin e Piter Pan” se ajo e ka zgjedhur stilistin dhe ai do të jetë Ardi Asllani.
“Ekskluzivisht për këtë show, unë do të zbuloj stilistin e famshëm që kam zgjedhur. Është një djalë shqiptar që punon shumë bukur teknikat popullore. Ardi Asllani do të më veshë në Eurovizion”, u shpreh Jonida.
