Ato kaluan disa ditë fantastike me pushimet dimërore në Austri.
Luana udhëtoi drejt Austrisë bashkë me Marinën, dy partnerët e tyre dhe motrën tjetër Lira.
Por ndonëse aventurave në borë u erdhi fundi, pushimet nuk kanë mbaruar ende për Luana Vjollcën dhe kjo gjë e ka mërzitur motrën e saj Marina.
Pas skive dhe dëborës në Austri, Luana është nisur për disa ditë pushimesh ekzotike buzë detit dhe rërës së bardhë.
Ajo ka ndarë me ndjekësit foto nga momentet e pushimeve pa Marinën dhe motrën e madhe Lira, të cilat i la pas për të shijuar disa momente vetëm me partnerin Krenar Çoçaj.
Kjo me sa duket nuk i ka pëlqyer Marinës, e cila gjeti rastin për t’ia shprehur mërzinë në një nga fotot që Luana publikoi pak minuta më parë.
Me disa emoji duke qarë Marina shkruan: “Që nga ky moment e ke block nga unë”.
Moderatorja na ka përshëndetur nga “ana tjetër” me një pamje të mahnitshme, por pas komentit të Marinës, shpresojmë që Luana të vërë dorën në zemër për motrat dhe për ne që nuk ndodhemi pranë atyre brigjeve të mrekullueshme!
