Ajo ka linja perfekte, stil magjepsës dhe qershia mbi tortë tek ajo është lëkura e lëmuar e fytyrës. Po flasim për Kim Kardashian dhe për lëkurën e saj prej bebi.
Pavarësisht se së fundmi 38-vjeçarja po kalon një gjendje të vështirë shëndetësore për shkak të psoriazës, gjithë bota dëshiron që të dijë sekretin e saj të bukurisë.
Para se ta zbulojmë, paraprakisht duam të sqarojmë se edhe pse e ka thënë Kim Kardashian, ndoshta nuk do të ishte zgjidhja ideale!
Fundjavën e kaluar, duke shoqëruar grimierin e saj me origjinë shqiptare Mario Dedivanovic gjatë një Master Class-i, Kim Kardashian është pyetur nga një fans: “Pse fytyra jote është kaq e lëmuar? Na thuaj sekretin!”
Pa kurrfarë hezitimi ajo është përgjigjur: “Mos buzëqesh!”
Rikthehemi sërish tek fakti që nuk është zgjidhja ideale.
Thjesht një paralajmërim i vogël: “Nëse do rrini seriozë gjatë gjithë kohës, shumë marrëdhënie që keni ndërtuar mund të prishen, ndërsa ato që do doni të krijoni, ndoshta nuk krijohen kurrë pasi shpeshherë sjellja juaj mund të merret për mendjemadhësi!”
Nejse, ju e dini!
