Rashel Kolaneci më në fund ka zbuluar se ku do ta shohim shumë shpejt.
Ish-velina e “Xing me Ermalin” ka vendosur të qëndrojë në televizionin “Klan”, por jo më në programin e Ermal Mamaqit.
Rashel ka zbuluar se do të jetë pjesë e programit të humorit “Duplex”, përkrah aktorëve më të njohur të humorit.
Bukuroshen do ta shohim këtë të shtunë në orën 20:05 në “Klan”, si pjesë e trupës në show-n më cool në Shqipëri.
“Duplex Show i uroj shfaqje të suksesshme dhe sezon të mbarë! Me pak fjalë po i bie si nga Kina, nga dita e shtunë ora 20:05 më ndiqni në Klan, si pjesë e trupës në shoën më cool në Shqipëri. Zyrtarisht e juaja. Ju dua”, shkruan ish-velina.
Nuk e dimë ende se cili do të jetë roli i saj, megjithatë nga eksperienca e mëparshme e saj, dimë se Rasheli do të jetë një nga femrat më provokuese në këtë program dhe që tani kemi parasysh reagimin e çunave të “Duplex”-it.
