1 në 3 adoleshentë ka kryer marrëdhënie seksuale. Të dhënat bazohen sipas një studimi nga “Rrjeti i fuqizimit të gruas në Shqipëri” (AWEN), të cilat habisin me rezultatet e hulumtimit të tyre.
Sipas studimit, 1 në 4 vajza kanë përjetuar dhunë nga partneri, kërcënim dhe poshtërim dhe 64% e vajzave pranojnë që partneri t’i kontrollojë rrjetet sociale.
Gjithashtu 3 në 4 të rinj/ të reja të intervistuara (77%) raportuan se, nuk flasin asnjëherë apo flasin rrallë për marrëdhëniet seksuale. Biseda të tilla vazhdojnë të mbeten tabu për shoqërinë shqiptare, por nga ana tjetër prindërit vazhdojnë të ushtrojnë kontroll mbi jetën e adoleshentëve.
Të rinjtë/rejat që ishin të ekspozuara ndaj dhunës në familje ishin më të prirur të përjetonin apo të ushtronin dhunë në marrëdhëniet e tyre intime.
