Shpesh duket sikur duhet të sakrifikojmë stilin, për të qenë ngrohtë dhe komode. Nëse keni këtë mendim, jemi këtu për t’jua ndryshuar!
Pavarësisht se temperaturat mund të jenë shumë të ulëta, ju mund të ngjani në të njëjtën kohë e veshur me stil, por edhe nuk keni pse të ftoheni duke rrezikuar marrjen e ndonjë gripi.
Mbani shënime nga 4 prej fashionistave shqiptare të momentit:
E gjitha me të bardha
Po, mund të guxosh me një paraqitje të gjithën me të bardha edhe në dimër. Ariana Fejzullahu ka zgjedhur një pallto super të gjatë dhe të ngrohtë të bardhë, që ta kombinojë me pantallona, çantën edhe beretën me të njëjtën ngjyrë. Për të qëndruar ngrohtë te këmbët, çizmet me pelush “Uggs” janë zgjedhja perfekte.
Pallto të kuqe
Një nga ngjyrat më në trend të sezonit ka qenë e kuqja. Dhe nuk është nevoja të jeni e guximshme që të blini një pallto të tillë. mund ta kombinoni si Jonida Maliqi me një veshje njëngjyrëshe. Ju sigurojmë që e kuqja është me e kombinueshme sesa mendoni!
Stili “casual”
Kombinimi xhinse, atletet dhe bluzë me printe nuk ikën kurrë nga modë. Nëse doni të ndiqni stilin e Lori Hoxhës, zgjidhni xhinse “mom” dhe një xhup sportiv me dizajn leopardi.
Me tuta
Iku koha kur tutat visheshin vetëm në shtëpi apo në lagje, me to mund të dilni nga mëngjesi në mbrëmje mjafton që të bëni kombinimin e duhur. Kida na tregon se kompleti i tutave të bardha shkon shumë me çizmet me takë dhe një xhup.
