Ndaj këngëtarja si askush tjetër, ka marrë përsipër që të trokasë personalisht në dyert e bizneseve dhe institucioneve për të siguruar ndihmën e nevojshme.
E ftuar në “City Radio Network” tek programi i mbrëmjes “CityNight RadioShow”, këngëtarja fituese e Festivalit të Këngës në RTSH, deklaroi për herë të parë publikisht sfidën e bujshme që ka vendosur të marrë përsipër!
“Kur mendon se duhet të përfaqësosh vendin tënd dhe unë do të mundohem maksimalisht që ta përfaqësoj denjësisht atë, na duhen dhe suporte të rëndësishme, pikërisht nga njerëzit tanë. Kështu që unë, përpos gjithë angazhimit që ka marrë RTSH, marr përsipër të iki t’i takoj personalisht si një ambasadore e Shqipërisë, si një artiste, si një qytetare. Kërkoj suportin e të gjithëve atyre që e mbështesin këtë gjë”, shprehet Jonida.
Edicioni i sivjetshëm i Eurovision do të zhvillohet në Tel Aviv (Izrael) në muajin maj të këtij viti.
I urojmë Jonidës suksese dhe shpresojmë që shqiptarët t’i hapin dyert!
