Mbrëmjen e djeshme familja Gjebrea ka pasur një arsye të madhe për të festuar.
Arditi mblodhi miqtë dhe familjen për të organizuar një festë private me rastin e ditëlindjes së bashkëshortes Anila.
Gjithçka ishte e kuruar në detaj, që nga dekori i tryezës dhe deri të emri i Anilës i vendosur në një platformë me drita.
Ditëlindja e Anila Gjebreas u shndërrua në një koncert, ku miqtë artistë të çiftit të njohur performuan këngët e më të bukura shqiptare.
Kështu, të pranishëm ishin Venera Lumani dhe Lind Islami, Juliana Pasha me bandën e saj dhe miku i ngushtë Pirro Çako, i cili realizoi edhe një duet fantastik me Julianën.
Por surpriza nuk u mbyll me kaq pasi vetë Arditi mori mikrofonin në fund për të kënduar “Kur të jesh mërzitur shumë”!
Kjo ishte festa e dytë në pak ditë që familja Gjebrea organizoi pas asaj të Anna-s së vogël e cila festoi 10-vjetorin.
