Pasi i dha fund lidhjes me DJ e njohur shqiptar, Vin Veli, Bora Zemani ka hapur një kapitull të ri në jetën e saj, që shumë shpejt ka nisur të shkruhet një romancë të re.
“Alpenews” raporton sot se moderatorja simpatike është në një lidhje të re me një ndër aktorët më të njohur të programit të humorit “AlPazar”.
Bëhet fjalë për njërin nga binjakët, Donald Veshaj.
Burimet për median tregojnë se ata janë njohur në ambientet e televizionit “Klan”, ndërkohë që Bora moderonte tek “Kënga Magjike” dhe Donaldi merrte pjesë tek “Dance with me”.
Pak kohë më parë, e pyetur se çfarë kërkon te një mashkull pas ndarjes, Bora u shpreh se dëshiron të ndihet mirë, e vlerësuar dhe shumë e dashuruar.
“Unë kërkoj vetëm flutura”, u përgjigj ajo.
Lajmi në fjalë nuk është konfirmuar ende nga Bora dhe Donaldi, me të cilët “iconstyle.al” ka kontaktuar për një prononcim.
Bora Zemani është nënë e një vogëlushi që quhet Arbor, i cili në muajin dhjetor bëri 4 vjeç.
