Familja e futbollistit shqiptar, Shkodran Mustafi, është zgjeruar me një pjesëtar të ri.
Lojtari i Arsenalit tregoi se, mirëpriti fëmijën e tij të dytë me bashkëshorten Vjosa Kaba, një djalë.
Ai publikoi lajmin e gëzuar përmes një postimi në Instagram, ku ndan momentin e parë që mbajti në krah vogëlushin.
“Jam shumë i lumtur t’ju tregoj për ardhjen në jetë të djalit tonë. Është gjithmonë kënaqësi të mirëpresësh pjesëtarë të rinj në familje”, shkruan Mustafi.
Futbollisti i Arsenalit u bë baba për herë të parë në korrik të 2017-s, me vajzën e pagëzuar me emrin Noemi.
